Dr ’Maesaea Thabane o tla hlola bosiu setokising ntlokholo ea sepolesa

Dr. 'Maesaeah Thabane
Lesotho first Lady, Dr. ‘Maesaeah Thabane

Dr ’Maesaea Thabane o tla hlola bosiu ba kajeno setokising, ntlokholo ea sepolesa sa Lesotho, Maseru, ho itsalo mookameli oa bofokisi ba naha ena, DCP Paseka Mokete, ho baqolotsi ba litaba, a le hona ntlokholo ea sepolesa, thapameng ea Labobeli lena.

Mokete o re qeto ena e latela hore Mochochisi e Moholo ha a e-s’o nts’e taelo e lumellang mapolesa ho ea hlahisa mohats’a tonakholo ka lekhotleng la linyeoe, e le moqosuoa.

Ka lebaka leo, o re ba tla tsoa ba ntse ba mo bolokile setokising ho fihlela taelo eo e fanoe, empa ha DPP a lieha, ba tla kopa lekhotla tumello ea ho mo boloka nako e teletsana.

O itse bana le bopaki bo bongata bo ts’oaselletsang Lepela basali ba Lesotho polaong ea sehloho ea Lipolelo Thabane, le tekong ea polao ea batho ba bang.

Mokete o itse Mrs Thabane o itlisitse sepoleseng ka Labobeli lena, a re o tsoa Afrika Boroa, ’me ho na le babelaelloa ba bang ba robeli bao mapolesa a ntseng a tsomana le bona..

Sepolesa se ne se koetse litsela tsohle tse tsamaeang haufi le ntlokholo ea sona. Likoloi tse tlaoelehileng ka ho eme kantle ho jarete, li tlile ngolisong, li ne li le sieo nakong ea kopano ea mapolesa le bafuputsi ba litaba. Tlaleho ka Relebohile Lengau