‘Melaelloa oa bosholu ba boea sekiring sa Thabang,Mokhotlong, oa lelekoa

Kopano ea litho tsa sekiri sa Thabang Mokhotlong ea Laboraro la beke ena, e entse qeto ea ho leleka ’melaelloa oa bosholu ba boea, sebakeng sa tšebetso sa sona sekiri seo.

Molula-setulo oa sona monghali Khotsang Moshoeshoe o re khato eo e ile ea mema mahlo a sechaba kaha baholoane ba eo ’melaelloa, ba ne ba tletsoe ka khalefo ho mo sireletsa, ’me sepolesa sa likamano, se bile sa kena lipakeng.

O re qeto e fihletsoeng ke hore komiti ea setereke e bitse kopano ea tšohanyetso ka Labobeli la beke e tlang, ho tla tšohla qaka ena. Tlaleho ka Chalale Mokhethi