Litaba tsa makhotleng a boahloli a Lesotho

Lekhotla le Phahameng la Lesotho ka Labone lena le hloaile letsatsi la bosupa la Hlakola ele la ho ntšetsapele likhang tsa nyeoe ea lepe la basali ba Lesotho le qholotsang taelo e ntšitsoeng ke ’Maseterata oa Maseru hore le tšoaroe moo le bonoang. Nyeoe e mametsoe ke Tšeliso Monapathi J.

High Court of

Lona lekhotla leo ka moahloli Charles Hungwe le fane ka matsatsi a la leshome le metso e supileng Phupjane ho isa la leshome Phupu, e la a ho mameloa ha nyeoe ea polao ea Police Constable Mokalekale Khetheng.

Baqosuoa ke Molahlehi Letsoepa, Thabo Tšukulu, Tšeliso Mokhosi le litho tsa sepolesa sa Lesotho.Baqosuoa ba tla ea remanteng ka letsatsi la bohlano la Hlakola.

Litho tse robong tsa sesole sa Lesotho tse qosoang ka polao ea molaoli oa mehleng oa sesole Lut: Maaparankoe Mahao li hlahletse kopo ea maipiletso kamor’a hore Hungwe a hane ho itokolla nyeoeng ea tsona.

Hungwe o laetse litho tsena ka babuelli ba tsona ho etsa kopo ea maipiletso a tsona pele ho letsatsi la bohlano la beke ena, ’me mofapahlooho o arabe pele ho la bosupa, likhang li mameloe ka letsatsi la pele le beke e tlang. Tlaleho ka Relebohile Lengau