Morena oa Makhaleng Ha Tsokotsa o bolaeloa chelete ea mokhatlo, ke batho ba sa tsejoeng

Mokhethoa oa ’Maletsunyane, o re morena oa Makhaleng Ha-Tsokotsa, Maseru, o ile a timela ka mor’a ho hlajaoa ka lintho tse bohale, ke batho ba sa tsejoeng, mesong ea Sontaha se fetileng.

Monghali Khutliso Mokhethi o re ho ne ho ile ha utloahala seboko sa bana,’me ha se latellisoa, ha fumanoa hore se tsoa moreneng, eena a se a le ka har’a lekoaliba la mali.

O re ho utloahala ha linokoane li ne li batla chelete ea mekhatlo ea motseng, eare ha a ba nea e neng e le teng, ba e halala, ba ’matla e ’ngoe, ka mor’a moo ba ’molaea. Tlaleho ka Tšeliso Sehloho