‘Melaelloa oa bosholu o nyamella lefifing tseleng e lebang moo thepa e leng hona teng, Mafeteng

Mahokela a Ha-Thoahlane Mafeteng, a re monna oa motse oo, ea belaelloang bosholung ba boqhobane, o a nyamelletse lefifing la bosiu ka Labobeli lena, a le tseleng ea ho ea hlahisa thepa ea bosholu.

Monghali Mokhethi Thoahlane o re ha se lekhetlo la pele a utsoetsoa, kaha mafelo a Tšitoe ea ngoahola, a utsoelitsoe chelete e kaholimo ho likete tse leshome tsa Maloti le thepa ea khoebo.

Monghali Thoahlane o re ba fumane karolo e ’ngoe ea thepa e patiloe tlas’a mealo ea ’melaelloa, ’me e nkiloe ke sepolesa sa Tšakholo e le bopaki. Tlaleho ka Chalale Mokhethi