Boitseko ba matichere bo hlahisa sephetho se sebe sa foromo ea boraro

Mokhatlo oa Bacha ba Ba-Kreste ba Baithuti YCS, o re boitseko ba matichere ba ngoahola, bo baketse barutoana ba foromo ea boraro ho sebetsa hampe lithutong, ’me sephetho sa bona sea soabisa.

Ea buileng lebitsong la oona monghali Lehlohonolo Moeketsi, o re ha litaba li le maemong ana, Lekala la Thuto le potlakele ho sebetsa litaba tsa matichere, e le hore sena se se hlole se ipheta.

A re kaholimo ho tsohle, matichere a khutlele mosebetsing oa oona selemong sena ka matla, ho qoba litholoana tse bosula tsee bana ba likolo ba ileng ba tobana le tsona ka baka la tlhokahalo ea batataisi. Tlaleho ka ’Mathabo Chobokoane