Mokhethoa oa ‘Maletsunyane o re le eena o tla sebetsa taba ea batho ba Ha Elia

Mokhethoa oa ’Maletsunyane, o re ramotse oa Likorolo Ha-Elia, Maseru, a kopane le marena a habo, ho seka-seka litaba tsa khiro ea baahi ba haufi le tora ea mehala, ba reng ha ba fuoe mosebetsi.

Monghali Khutliso Mokhethi o re taba ea hore baahi bao ba tinngoe mosebetsi, empa ba le haufi le tora ha se taba e amohelehang, ka baka leo, e lokela ho sebetsoa kapele, ’me o tla kenya letsoho tharollong ea eona.

Sena se latela hore Morena Litsietsi Ralimo oa motse oa Ha-Elia, a tlalehele Lehakoe la Litaba hore babusuoa ba hae ba lla ka hore ba tinngoe mosebetsi oa ho lebela litora tse haufi le bona, o fuoe basele.Tlaleho ka ’Makhauhelo Tlouoe