Lelapa le re sepolesa se hana ho nka boikarabelo ho boloka phofu ea sona, Korokoro

Lelapa la Letuka le phelang Koro-koro Ha Chakale, Maseru, le re sepolesa sa Mofoka se hloloa ho le thusa ho boloka setho sa lona se shoetseng matsohong a sona letsatsing la pele le Pherekhong.

Lebitsong la lona Lebohang Letuka o re phalo e eme le lesemela kaha sepolesa se re ha se nke boikarabelo lefung la mor’a lona.O re mofu o ne a tokhotsoe hampe ke mapolesa a mabeli a ne a leka ho namola mohlankana le moroetsana ba neng ba loanela haufi le habo. 

Lebohang o re tlaleho ea ngaka e re mohlankana o bolauoe ke matetetso a ’meleng kaofela, mali a rothetse ka hare le mothapo oa kutlo o khaohile.Litaba tsena li tlalehetsoe ofisi ea ntlokholo.Tlaleho ka Relebohile Lengau