Bahoebi ba maphele ba lla ka ‘musi oa setereke sa Mafeteng

IMG-20200121-WA0015

Bahoebi ba Maphele ba Mafeteng, ba nehelane ka lengolo la litletlebo ho ’musi oa setereke seo ka Labobeli lena ha li ne tloaela makhulo, ho rialo monghali Mohau Sehlabo.

Lengolo leo, le lintlha li supileng, tse reng ’musi oa setereke o sekiselitse khoebo ea bona, ka ho se ba lumelle ho tsamaea hohle ka har’a toropo eo ea habo Makaota le Mathula.

IMG-20200121-WA0012

Ba re ’musi oa Setereke o ba qabantse le sepolesa sa Mafeteng, hoo ofisi eo e leng lekekana ha e-ea e ba lebile, ’me ha e sa phethahatse litletlebo tseo, a itokolle.

’Musi oa Setereke, monghali Ntsane Mathibeli, o itse o amohela lengolo leo, le hoja le e-na le bokooa, kaha le sa bontša hore na a be a le arabile kamor’a nako e kae.

O itse karabo ea litletlebo, o tla e fa moifo o nehelaneng ka lengolo, oona o e fetisetse sechabeng. Tlaleho ka Tšeliso Thulo.