Mokoetlisi o re ho hlahela lelapeng la lipapali ho mo thusitse ho etsa bokoetlisi

Mokoetlisi oa mabelo boemong ba Machaba, monghali Chapoline Mpomane, o re ho hlahela ka hara lelapa la lipapali, ho mo thusitse ho etsa lengolo la bokoetlisi ba ntšetso-pele ea mabelo.

O re o koetlisitse lihlopha tse Merafong ea Afrika Boroa, moo a bileng a hapa mabelo a ’maloa ka 1989, ha ka 1996 a ile a tla koetlisa kahara naha, moo a hlahisitseng limathi tse ngata tse seng li le boemong bo holimo ba bokoetlisi.

Mpomane o re bothata ba limathi ba ho se atlehe ha li emetse naha, ke tlhokahalo ea nelehetsano le botsamaisi ba lihlopha tseo ba tsoang ho tsona, kaha naha e se na tatello ea tsona.

Ho sa le joalo, mokoetlisi oa sehlopha sa Lifofane, Botha-Bothe, monghali Mohapi Bafokeng oa Ha Mocheko Mohalesuku, o re o qalile e le sebapali sa bolo ea maoto ka 1987, sehlopheng sa Majantja FC.

Ka 1990, a bapalla sehlopha sa Fokothi, moo e bileng Mokapotene oa sona, ke ha tlhase ea bokoetlisi e tla hlahella.

O re ka 1992, ba ile ba theha sehlopha le bo-mphato oa hae, se bitsoang Merusu, boemong ba C, seo a ileng a se thusa ho nyolohela boemong ba A, ’me ho fihlela joale, ba sa ntse ba khotsofaletse tšebetso ke Lifofane FC, kaha le lihlopha tse kholo li tseba lipaputla tsa sona. Ho tlaleha Majara Moshoeshoe.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.