Le chaea le boella sekolong sa Seng, Semonkong, ka bosholu

Mokh’anselara oa Semonkong Ha Seng, monghali Matooase Rammalei, o re sekolo sa mathomo sa Seng, se qhekelitsoe ka Labobeli la beke ena, ha utsuoa lijo tsa bana ba sekolo le seaparo sa papali ea bolo ea maoto, ea sekolo.

Rammalei o re linokoane tseo, li kene ka ho qhakholla seloto sa lemati, ’me ha se lekhetlo la pele sekolo se senyetsoa ka bosholu, kaha lekhetlong la pele ho ile ha utsuoa moqomo oa khase o ntseng o es’o fumanehe. Tlaleho ka Chalale Mokhethi.