Akhente ea mapolesa e re Dr ’Maesea a laeloe ho ea hlaha khotla ka seqo

Dr. 'Maesaeah Thabane
Lesotho first Lady, Dr. ‘Maesaeah Thabane

Akhente ea Dr ’Maesaea Thabane e filoe ho fihlela ka Laboraro la beke ena ho araba khang ea ’muelli oa sepolesa sa Lesotho e reng ha e tsebe akhente e tiisitseng litokomane tsa molli e le akhente e teng kahar’a naha ena, le hoja e itlhalosa ka setempe e sebeletsa KEM Chambers ea Maseru West.

Akhente Ntebele ea buellang sepolesa sa Lesotho, o bile a re ha a kholoe hore motekeno o lipampiring tsa nyeoe, tsa mosali oa tonakholo, e fela e le oa hae, ka lebaka leo, o kopa hore lekhotla le mo laele ho tla khotla ho tla tiisa hore e fela e le eena ea tekenneng litokomane tseo.

Hape, akhente e tseka hore na ho tla joang hore molli a batle ho sireletsoa ke makhotla, empa eena a hana taelo ea oona makhotla, e reng a itlalehe sepoleseng, a iphetotse moleleri le mopapaeli khahlanong le toka.

Lekhotla le ile la botsa Mr Ntebele hore na o tsebella motekeno oa Mrs Thabane kae. Ntebele a re empa e le pelaelo ea hae, e ka hlakoloang ke hore Mrs Thabane a tle khotla ka seqo ho tla e hlakola.

Adv Rethabile Setlojoane o ile a re o tlile lekhotleng a sa lebella hore ho tla ba le khanyetso, ka lebaka leo, a kopa hore a ke a fuoe monyetla oa ho ea araba. E se e tla tsoelapele ka Laboraro lena, motšehare oa mantsiboea.

Tšeliso Monaphathi J, o bile a sebelisa monyetla oa nyeoe ena ho otlolla see utloahalang se ngongorehisitse sechaba sa Basotho, se reng na ho tla joang e le eena feela ea mamelang linyeoe tsena tsa mapolesa le Mrs Thabane.

O itse seo, se tsoaloa ke hore ke eena feela ea alositseng toka nakong ena ea phomolo ea makhotla. O itse ke mosebetsi oa libeke tse peli khoeling. Ha se hobane a e-na le thahasello linyeoeng tsena, sechaba se se ferekane.

Ho sale joalo, kahlolo nyeoeng ea masole a mararo a reng moahloli Hungwe a itokolle, a se ke a mamela nyeoe ea ’ona, e tla baloa ka la mashome a mabeli a motso o mong, khoeling e holimo.

Masole ao ke Motsamai Fako, Motšoane Machai le Tšitso Ramoholi, ba qosoang ka polao ea sehloho ea Lt Gen Maaparankoe Mahao.Ho tlaleha Relebohile Lengau oa Motaung.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.