Lipapali tsa leoto la pele li tsoela-pele

Phala ea liki e kholo, Moeketsi Ramakatsa, a bua Moafrika FM ka Lapele lena, o re lipapali tse ntseng li tsoelapele ke tsa leoto la pele, ’me tebello ke hore li fele ha khoeli ena e tla be e hlola matsatsi a 22.

Ramakatsa o re sepheo ke hore ho be le lihlopha tse ’ne, tse ka holimo leotong la pele, tse tla kenela tlholisano Mantšonyane ka nako e tla boleloa. A re leoto la bobeli le tla thakhoha ka la 25 khoeling ena.

Ho sa le joalo, mafelong a beke e tsoa feta, Bantu FC e khitlile Kick4Life ka goal tse hlano ho lehe, ha lifofane FC e patlolitse lioli FC ka goal tse peli ho lehe, athe Linare FC e mutse likhopo FC ka lithupa tse peli ho e le ’ngoe.

LMPS eona, e shapile Lijabatho ka thupa e le ’ngoe, eaba LCS FC e tšabana bophatšoa le Matlama FC, ha Sefothafotha FC le Swallows FC li bapetse ka maleka a ’ngoe ho ’ngoe.

Papali e neng e le lipakeng tsa LDF FC le Liphakoe FC, ha e ea tsoelapele ka lebaka la lebala le neng le le metsi.Ho tlaleha Majara Moshoeshoe