Lesotho le otliloe ka mokoallo mokhatlong oa machaba

Koranta ea New York Amerika, e re Lesotho le amohiloe tokelo ea ho khetha, sebokeng sa Machaba a Kopaneng, ka lebaka la ho kolota seabo sa mokhatlo oo.

Letona la Lesotho la Machabeng, monghali Lesekho Makhothi, o re ha a na leseli la litaba tseno, le eena o qalile ho li tseba ka eona New York Times.

O re liabo tsa mekhatlo ee Lesotho e leng litho tsa eona, li lefshoa ke Lekala la Lichelete, o tla ke a botse letona la lona le moemeli oa Lesotho New York bonnete ba tlaleho ena ea New York Times.Ho tlaleha Nkhono ’Mathabo Chobokoane.