Komiti e ncha e khethiloe kerekeng ea Assemblies of God e tobane le phephetso

FB_IMG_1578944182969
Bishop Monaheng Sekese, incoming SG, Assemblies of God Lesotho.

Mongoli e Moholo oa kereke ea Assemblies Of God, o re komiti e ncha e khethiloeng ka Moqebelo o fetileng, e tobane le phephetso e kholo ea ho phethahatsa meralo ea komiti e seng e tlohile litulong.

Monghali Monaheng Sekese, o re tabatabelo ea kereke ea habo, ke ho hloma likereke tse makholo a mahlano le ho ba le baruti ba palo eo, ’me ba tla sebetsa ka thata ho fihlela seo.

O re ke bonyane likereke tse lekholo le mashome a mabeli tse seng li le teng, ho setse tse makholo a mararo le mashome a robeli.

Moetellipele oa komiti e ncha ke Sup. Ishamael Mqathazane ea lulang setulo sena khetlo la bobeli le hoja a sa ka a se lula nako e telele, ha moruti Gift Ntšonyane a se lutse lilemo tse leshome le metso e tšeletseng. Ho tlaleha ’Makearabetse Ncholo