DCP Mokete o re akhente e kholo e re e hloloa ho fumana Dr ’Maesaea

Dr. 'Maesaeah Thabane
Lesotho first Lady, Dr. ‘Maesaeah Thabane

Tšepiso ea akhente e kholo ea ’muso ea ho nehelana ka mofumahali oa tonakholo ka Mantaha oa beke ena ha e ea phethahala.O re ha a tsebe moo a teng le fono ea hae e lla feela, ha e arajoe. Ho rialo lefokisi le leholo la Lesotho, Adv Paseka Mokete, a bua ho Moafrika fm. 

Mookameli oa bofokisi ba Lesotho o ne a ile a bolella Basotho ka lenaneo la Pusong ea Sechaba ka Sechaba mafelong a beke e fetileng, hore akhente e kholo ea ’muso e mo tšepisitse hore e tla nehelana ka mohatsa tonakholo ka Mantaha ona. 

Ntle le moo, o itse mongoli oa ’muso, monghali Moahloli Mphaka eena, o ne a ile a re o tla itlaleha ha morao ka Lapele lena, kaha a boletse a phathahantsoe ke mosebetsi, Botlotlehing ba naha ena. 

Ka mokhoa o joalo, o re letona Samonyane Ntsekele lona le itse le tla fumaneha ka Labobeli lena, ka mor’a phutheho ea Lekhotla la Matona. Ho feta moo, o itse o utloetse hore matona a mabeli a ntse a phaphatheha a re a baleha mafokisi a Lesotho.Tabeng eo, o re haeba ke ’nete, a khobe matšoafo mafokisi ha a na taba le ’ona…