Bohanyetsi bo fa tonakholo matsatsi a supileng hore a itokolle

Thabane, PM
Lesotho Prime Minister Dr Motsoahae Thomas Thabane

Bohanyetsi ba Lesotho bo seetse tonakholo Motsoahae Thabane qholo ea matsatsi a supileng, hore a itokolle le baetsana bohle ba hae, ka lebaka la ho hlohela ho busa naha ena hantle.

Monghali Selibe Mochoboroane, phala ea bohanyetsi, a bua Nyakafataneng ea Lapele lena, o itse boetellipele ba bohanyetsi bo qeta ho lumellana hore le motsamaisi oa paramente a ngolloe, a kopjoe ho bula Lekhotla la Sechaba hang-hang, maparamente a tsebe ho supa tsela e ncha ea puso.

O itse, boetellipele ba bohanyetsi, le hoja bo ananela teko ea sepolesa ea ho fuputsa lefu la Lipoelo Thabane, ha bo utloisise hore na ke hobaneng se seha mpa ka lehare, bo sa re letho ka tonakholo, e leng eena eo fono ea hae e sebelisitsoeng ho buisana le ban eng ba fenetha mosali eo oa tonakholo.

Ka mokhoa o joalo,o re ha ba utloisise hore na ke hobaneng ha sepolesa se sa re letho ka eo fono ea tonakholo e neng e mo letselitse nakong eo ea polao ea sehloho ea Lipolelo Thabane.Ho tlaleha Mohlomphehi Mohlophisi e Moholo.