Mosali o etsoa ketso le ho sehoa ka ntho e bohale, ka lereng oa hlolieana, Mohalesuku

Mosali oa Likhutlong Ha-Pitso, Mohalesuku, o re o ile a betoa ke lesole le ileng la kopana le eena tseleng, a tsoa batla monna oa hae ee a neng a tseba hore ha a eo lapeng, la mo qhautsa le ho mo etsa ketso, mesong ea Moqebelo o fetileng.

Mosali ea itšebileng le Lehakoe la Litaba, o re lesole le ile la mo tšoara la mo babola ka limpama la ba la mo seha ka ntho e bohale tlas’a molomo ka le reng oa hlolieana, la mo khama le ho mo beta.

O re ka mor’a moo le ile la baleha, empa a ea sepoleseng sa Mohalesuku ho ea bula nyeoe, ’me o bile a fumana hore lesole le bile la tšoaroa ke sesole sa sepolesa.

Ofisi ea liphatlalatso ea Sesole sa Lesotho, ka molomo oa Lt. Cnl. Mashili Mashili, e re taba ena ha e-so fihli tafoleng ea eona, empa hang ha e le teng,Lehakoe la Litaba le tla tseba. Tlaleho ka Hlao Rampaleng