Lekhotla la likereke le rola lieta le kena khabong ea mapolesa le Toala

Lekhotla la Lesotho la Likereke le re tsitsipano e tsamaisong ea sepolesa sa naha, ke litholoana tsa likhohlano tse kahar’a mokha o busang, ’me e khannela moo ho ka ’nang ha shoa bana ba batho. 

Le tsoelapele ho beha molato ho ’muso oo le reng ha o etse se lekaneng ho batlisisa polao ea Lipolelo Thabane, mosali oa tonakholo ea naha ena ea neng a bolaoe ka sehloho lilemong tse ka bang tharo tse fetileng. 

Christian Council of Lesotho e re tlhokahalo ena ea botsitso pusong e behile tšebetso ea Tlhophobocha ea melao ea Lesotho tsietsing e tšabehang, ka lebaka leo e kopa mafapha ohle a Sechaba ho thetsana ka mahetla ho fihlela katleho ea eona. 

Polelo ena e tekenetsoe ke baruti ba likereke tse supileng, e leng Roma, Fora, Chache, Methodist, Wesele, Assemblies of God le AME. Ho tlaleha Mohlomphehi Mohlophisi e Moholo.