Masole a mararo a re moahloli oa Zimbabwe a itokolle nyeoeng ea oona

Masole a mararo a qosoang ka polao ea Maaparankoe Mahao, a hlahletse mabaka a oona ka lekhotleng le phahameng, ka Laboraro lena, moo a etsang kopo ea hore Moahloli oa Zimbabwe, Charles Hungwe, a itokolle nyeoeng ea oona.

Moahloli o ile a mamela kopo ea ho lokolloa ka beile ea Motsamai Fako, ’me ho eona, Hungwe o ile a sebelisa mantsoe ao ka oona, baqosuoa ba nang le pelaello ea hore a ke ke a ahlola nyeoe ea oona ka ho hloka leeme.

Masole a re leha a qosoa ka nyeoe eo, bochochisi bo batla hore a ahloleloe lefu, ’me moahloli o bontšitse ho se phoso hore a tsoelepele ka nyeoe, a se na bopaki bo tla tekoa ke mofapa-hlooho, hore masole a fuoe bopaki bo tlil’o tekoa khahlanong le oona, pele nyeoe e tsoelapele, molemong oa hore a tle a itlhophele eona.

Nyeoe ena, e se e tla mameloa ka Labohlano lena, hona lekhotleng le phahameng. Babuelli ba baqosuoa ke Adv. Kabelo Letuka le Adv. Napo Mafaesa, ba Maseru, ha bachochisi e le Hlalefang Motinyane le Shawn Abrams oa Afrika Boroa le ’Nake Nku.Ho tlaleha ’Mathabo Chobokoane.