Lelapa le makaletse setopo sa setho sa lona se fetohang libopeho Ha-Motumi, Mohalesuku

Lelapa la Motumi,le Phamong Ha-Motumi,Mohalesuku, le re le makaletse ho fetoha ha mora oa lona, ee itseng ha a qeta ho hlokahala ka Labobeli lena, a ileng a fetoha litšobotsi le ho etsa litaba tse le makalitseng.

Ea buileng lebitsong la lona,’Makatleho Lepolesa,o itse,mofu bophelong ba hae, o ne a ile a re o jeoa ke mala ka ’Mantaha oa beke ena, a mo nkileng nako e khutšoanyane,empa ka lebaka la bohole ba litsi tsa kokelo, a seke a ea ngakeng.

O re tse makalitseng, ke ho ruruha ’mele, ho rara methapo, ho tsoa lero le letala le le lesoeu ka hanong, mali ka linkong, ho ntša ka morao le ho fufuleloa har’a tse ling.

Litaba tsena,li bile tsa tiisoa ke mok’hanselara oa tikoloho eo, ’Mahlomohang Sekoati. Tlaleho ka Tšeliso Thulo.