MGC e tlilo fetola Mants’onyane setsiketsi sa lipapali tsa machaba

MGC founder and Managing Director - Sam-Matekane

Mookameli oa lefapha la lipapali la Matekane Group of Companies (MGC) monghali Baba Malephane, o re sepheo le moralo oa nako e telele oa khoebo ea habo ke ho fetola Mantšonyane setsiketsi sa lipapali le liphutheho tsa machaba kahar’a Lesotho.

A bua le Mohlomphehi Mohlophisi e Moholo komar’a litlholisano tsa Mohope oa MGC tsa keresemese ena, monghali Malephane o itse ho ba ba qete ka khaho ea litulo tsa ba lebelletseng papali le ho aha lebala la mabelo, ba tla kena khahong ea mabala a mefuta e meng ea lipapali, boholo tsa sekhooa.

O re ba se ba e-na le holo ea liphutheho e lulang batho ba sekete, e ka sebelisoang ho tšoarela liphutheho tsa maemo, etsoe ba se ba bile ba ena le moralo oa ho aha liphaphosi tsa boroko le tsa ho jella bakeng sa ba tla beng ba tlile liphuthehong le lipapaling. A re morero o moholo ke hore hobe le maphephe ho siriletsa baitšokoli le thepa ea bona. RK.