Mokuli oa lefu la kelello o latoa sepetlele Afrika Boroa ka thuso ea Moafrika

Moahi oa Tšenola Ha-Moeketsi Mothobi,Maseru, o re o leboha Moafrika FM, ka bamameli ba eona, ka ho mo thusa ho tla le mora oa hae ea neng a le sepetlele sa mafu a kelello, Kwazulu Natal, Afrika-Boroa, ee esale a nyamela selemong se fetileng.

Monghali Setenane Setenane, o re hoja e ne e se ka qhooa ena le Monate Transport, a ka be a sa ka a tseba ho lata eo mora, a bile a sa batloa litjeo tsa letho, ho ea le ho khutla sebakeng se boletsoeng.

’Makhotso e le ’m’angoana, o re o ne a se a sa lumele hore o tla boela a bona mora oa hae hape ho latela tsela eo a tsamaileng ka eona, o bile a re o ne a lula a mamela litsebiso qhooeng hore a utloe haeba mora a ka hlahella ho tsona.

Monghali Setenane, o ne a ile a fihla qhooeng ena bekeng e kapele ho e fetileng a tlilo kopa thuso ea ho lateloa mora oa hae ee a neng a se a phela le litšoene.