‘M’a o tsietsing ea mora oa hae ee saleng a nyamela, Ha Foso

Mosali oa Ha Foso, Berea, o re o patlong ea mora oa hae ee saleng a nyamela ka Motšehanong ngoahola, a ne a itse o il’o batla mosebetsi, le hoja a sa ka a mo bolella hore na ho kae.

’Malefu Moleleki o re o se a le tsietsing ea hore na Thabang Poloko Moleleki, ea tsejoang hape ka lebitso la Botšonyane, o felletse kae kaha a tlohile hae litaba li se monate.

’Malefu o re, Poloko mosebetsi oo a kileng a ’na a o sebetsa ke oa ho alosetsa batho liphoofolo,’me o se a kopa motho eo e ka bang o ho eena a mo tsebise.O re Poloko o motšo ka lebala,o mokhutšoanyane,o motenya,o lilemo li 32.