Bafu ba fumanoeng ba tjapalletse ka har’a tsela ba phuthoa ke sepolesa sa Mapholaneng,

Sepolesa sa Mapholaneng,se phuthile litopo tse peli tsa banna ba Ntšesanyane Sebera, Mokhotlong ka mor’a hore li fumanoe li tjapalletse ka har’a tsela, li tšoere libetsa tse bohale tsee beng ba tsona ho bonahalang ba ne ba ntse ba loana ka tsona, ka Moqebelo o fetileng.

Monghali Teboho Nkalai, o re bafu ba ile ba bonoa ke motho oa motse oa habo bona, ea neng a ikela mabakeng a hae, ea ileng a hlaba mokhosi, sepolesa sa phutha bafu.