Baruti ba eletsoa ho sebelisa monehelo oa Moafrika FM ho hapela meea ho Kreste

Moruti Mohau Maphephe, o re baruti ba tlang ho tla fana ka litšebeletso tsa Lentsoe la Molimo qhooeng ena, nakong ea keresemese, ba sebetse ka thata ho hapela meea ea bamameli ho Kreste.

O re ba lokela ho sebelisa monyetla oa monehelo o moholo o etsoang ke Moafrika FM, hobane ho reka mananeo, ho litjeo li ho tsee imelang baruti ba bang.

O re nakong eo ea phomolo ea keresemese, momameli o tla tseba ho ikhethela moruti ea tla beng a mo thetsitse pelo ha a mametse tsela ee fanang ka Lentsoe la Molimo ka teng, a nto mo latela. 

Ha litšebeletso li ntse li etsoa, le bahoebi ba ntse ba buletsoe mamati ho tla tsebahatsa likhoebo tsa bona, ka baka leo, ba se be leqe ho itlaleha Moafrika FM, bakeng sa litlhakisetso.