Lelapa la Botlotlehi le abela batho ba Mafeteng, limpho tsa keresemese

Morena oa Sehloho oa Tajane, Pontšeng le Ha-Mohale, Mafeteng, o re o thabetse limpho tsa keresemese tse filoeng sechaba sa tikoloho ea hae, ke lelapa la borena bo boholo ba Lesotho, ka Labone lena.

Morena ’Mako Mohale, o re ebile tlotla ho eena ha a bolelloa ke lelapa la Botlotlehi hore le tlo etela sechaba sa hae ka sepheo sa hore se tle se thabe le ho imona menoana ka tse molemo tsee le se iselitseng tsona tsona.

Mofuputsi oa litaba ea bileng teng phanong ea limpho, monghali Tšeliso Thulo, o re li kenyeletsa korosari, ’me ke bonyane malapa a kaholimo ho mashome a mane a li tšoasitseng.