Bacha ba DC ba tla ts’oara mokete o koalang selemo, Maseru

Mookameli oa bacha ba DC, o re ba se ba le malala-a-laotsoe, ho tšoara mokete o koalang selemo sa mosebetsi oa bona ka har’a Potoana, letšolong la monongoaha la Holisa DC, tlas’a boetellipele ba Smartman sa ’Maamohelang.

Monghali Moeketsi Shale, o re moketeng oa motebuko oa bo-mmabotle, o tlang ho ba sekolong se phahameng sa Lesotho, o tla qala ka hora ea botšelela mantsiboea a Moqebelo ka polelo ea monghali Mathibeli Mokhothu.

O itse mokete o tla phetheloa ka ho hatjoa ha koloi e majaba-jaba ke e mong oa bommabotle ea tla beng a itlhomme pele ka makhabane a tla hlokoa mohla-monene.

Sena o se buile a ipapisitse le Selelekela se entsoeng ke Mapotoana, sa ho hloekisa toropo ea Maseru hore baeti ba tle ba ketekele moo ho hloekileng, le hoja ho ntse ho e-na le bahloekisi ba teng ba ka mehla.