Setopo se phuthoa se le maqeba a ho thunngoa, Qachaseneke

Morena oa Ha-Chaka, Qachaseneke, o re setopo sa monna oa motse oa hae, se phuthiloe ke sepolesa sa setereke seo, ka Sontaha se fetileng, se le maqeba a ho thunngoa ke batho ba sa tsejoeng. 

Morena Lebotsa Kanyaza, o re monna o ne a ile a tsamaea le mora oa hae ho ea motebong ka Labohlano le fetileng,’me a mo roma motseng o mong ka Moqebelo, a mpa a se khutle tsatsing leo, a khutla mesong ea Sontaha, a tsoa mophatong. 

O re mora o ile a fumana ntat’ae a robetse ka thoko ho motebo, empa ha letsatsi le ntse le phahama, o ile a mo sisinya, eo a se tsohe, mora a hlabela ba hae mokhosi, mofu a latoa.