Sechaba se seboko ka bokhopo ba mapolesa a Lesotho

Holomo-Molibeli
LMPS Commissioner, Holomo Molibeli

Basotho ba ntsoe-leng hore bookameli ba sepolesa sa Lesotho bo hlophise lipatlisiso tsa lefu la monna oa Mantšonyane ka mokhoa oa Inquest, ka ha mapolesa a moo a nkha letsuka lefung la hae.

Ba buile seo Probonong ea Labobeli lena, kamor’a ho utloa seboko se hlomolang pelo sa morali oa hae, ea neng a re o tšaba hore khaitselie, e ntseng e tokhotsakoa ke mapolesa a Mantšonyane e tla qetella e bolailoe ke oona.

A bua ka meokho lenaneong la Nyakafatane, Lineo Mathatela o ile a re ba seng ba fetile litleneng tsa mapolesa a tšoereng Thabang Mathatela, a itse ba tla ba bolaea ha ba sa etse se hlokoang ke ’ona, etsoe mapolesa ha a bolaile motho a sa felloe ke mosebetsi.

Ho sa le joalo, mohlolohali ’Malineo Mathatela a bua Nyakafataneng ea Labobeli lena, o re ’mele ‘ohle oa hae o motala ke ho tokhotsoa le ho rahoa ke mapolesa, la monna le la mosali, shoalaneng ea Lapele lena ka lereng mora oa hae a ntše sethunya,ho seng joalo ba tla falla kaofela le hore ba tla besa ka patsi e metsi.