Mofu o tla bolokoa mafelo a beke ho ntse ho sa tsejoe babolai ba hae Ha Makuili

Moahi oa Boinyatso Ha-Makuili, Ha Maama o re mora oa hae tla bolokoa mafelong a beke ena, sepolesa sa Roma se ntse se e-s’o tšoare motho ea ‘molaileng.

Monghali Toronko Mabokoane o re mora oa hae ea lilemo li leshome le metso e supileng, o ne a shoe kamor’a ho hlajoa ka ntho e bohale ke banna ba ileng ba mo fumana ka tlung habo, a e-na le ’ma’e.