Lekhotla la Maipiletso le inola ’Mantipase

’Mantipase Lifoloane o inotsoe lipakeng tsa hlakola hoja a ne a tjametsoe ke chankana, kamor’a ho fumanoa a le molato oa nyeliso ea lekhotla ke ’Maseforo Mahase ACJ.

‘Mantipase o ne a ile a fumanoa a le molato oa nyeliso ea Lekhotla, a sa ka a ipuella, moo a tsekisanang setša le e mong Moahloli Ntsoha, mohoebi oa Moyeni.

Ke moo ’Mantipase ka ‘muelli oa hae, Adv.Zwelakhe Mda oa Mafeteng, a ileng a balehela lekhotleng la Maipiletso le ileng la utloa seboko sa hae, la hlakola khaolo eo ea nyeliso,ka Labobeli lena.

Nyeliso ena e hlakotsoe ka lereng ’Mantipase o na le seboko se utloahalang, khahlanong le mohoebi eo le Thabo Mafosi, mookameli oa sepolesa sa Quthing.

Ka lebaka leo, o tla lula a lokolohile ho fihlela boipiletso ba hae bo mametsoe ke lekhotla la maipiletso, khahlanong le kahlolo ea Mahase ACJ lekhotleng le Phahameng.