Sechaba se re borena bo lokelaho tsebisoa liqeto, eseng liqabang feela, Mafeteng

Sechaba sa Matšaneng Ha-Tšepo Hlalele, Mafeteng, se lumellane hore borena bo lokela ho tsebisoa liqeto tsa malapa tseo e reng ha ho se ho qabanoe, ebe ho hlokoa bonamoli ba bona, e leng litaba tse kang tsa manyalo le tsa matlo a hirisoang.Ho rialo morena Tšepo Rethabile Hlalele.

O re liqeto tsena li fihletsoe pitsong e bileng mafelong a beke e fetileng, moo sechaba se neng se memiloe ke borena ho ea teka litaba tsa sona tse malebana le tse seng li boletsoe.

Ho feta moo, o re tabeng ea matlo ea hirisoang ho entsoe qeto ea hore beng ba oona, ba tle ba bitsoe pele ho keresemese ho tla bua ka litlolo tsa molao tse etsahallang ho oona.