Mosali oa Ha Ramabanta, Maseru, o fumana molekane oa hae e se e le mofu, ‘moshareng

Mosali oa Ha-Ramabanta Ha-Motsoetla,Maseru,o re o fumane molekane oa hae a se a le polokelong ea bafu, ka Moqebelo o fetileng, ka pelalello ea hore o bolailoe ke lepolesa, ka mabaka a sa tsejoeng, ka Moqebelo o fetileng.

’Maretšepile Lekhabunyane, o re sena se latela hore a bone molekane oa hae a sa fihli hae ho tsoa mosebetsing ka Labohlano le fetileng, ha tla tsebisa baholoane ba monna eo, ba ileng ba kena letšolong la ho ’matla.

O re ba ile ba qetella ba ile sepoleseng sa Lifofaneng ho ea tlaleha litaba tseo, sona sa re ha se tsebe motho ea joalo, se ntse se ’matla, bao ba leba ho sa Central se ileng sa ba kopanya le bookomeli ba Lifofaneng.

O re bookameli bo ile ba ba laela ho ea sepoleseng sa Pitso-Ground, empa ha ba fihla teng, ba tšeloa ka metsi a batang hore ba e’o batla monna eo, ’moshareng, moo ba mo fumaneng a se a shoele.

’Maretšepile o re o tsebile tsa ho shoa ha monna oa hae, ka bofuufu hore o ile a thunngoa ke lepolesa, a ne a ile a latoa mosebetsing oa hae ke lona le e-na le a mang, ho feta moo ha a na lintlha tse ling kaha sepolesa se itse se sa etsa lipatlisiso litabeng tsa lefu .Lehlakore la sepolesa ha le eo kaha ke hona Lehakoe la Litaba le tla fumaneloa taba ena.