Baruti ba thabela ho hasa Lentsoe la Molimo chankaneng ea Qachaseneke

Molula-setulo oa Prison Fellowship Lesotho, o re eena le baruti ba toropo ea Qacahaseneke, ba motlotlo ho fuoa sebaka sa khaso ea Lentsoe la Molimo chankaneng ea setereke, ho bahlanka ba eona le ho ba tšoaruoa.

Moruti Phallang Mohanoe, o re sena o se bua hobane e se e le lilemo tse leshome ba hlabolla bahlanka bao,’me taba eo, e se e le taba ea kamehla, e tsejoang ke bohle.

O re khaso ea lentsoe e sebetsoang ka likotara tse ’ne tsa selemo, ho ena ea ho qetela, ho sebelisoa lihlooho tse seng li ntse li hlophiloe ke baruti bao a sebetsang le bona.