Moahi oa Tšenola Ha-Moeketsi Mothobi, Maseru o leboha Moafrika ka ho mo thusa ho lata mora Afrika-Boroa

Monna oa Tšenola Ha-Moeketsi Mothobi, Maseru, o re o leboha Moafrika FM, ho menahane haele mona bamameli le Monate Transport, ba mo thusitse hore a tle a qetelle a latile mor’a hae Durban Afrika-Boroa, ea neng a se a lahlehetsoe ke kelello, a phela le litšoene.

Monghali Setenane Setenane, o re o ne a selebaletsoe hore o tsoa ka lefe lekhalo hore a tle a late eo mora, sepetleleng sa batho ba lefu la kelello sa Hlabisa, hona Durban.

O re sena se latela hore mora a tlohe Lesotho selemong se fetileng khoeling ea bohlano, a re ho na le batho ba batlang ho mo thakhisa, joale oa ba baleha.

O re mora o ile a nyamela, ho fihlela eena a tsebisoa ke batho hore le leng la mabota a marang-rang a facebook, le behile setšoantšo sa hae, le hore ho bile le motho ea ileng a mo phutha morung oo, a mo isa kokelong.

Ka mor’a hore monghali Setenane a behe litaba tsa hae, Monate Transport e itse e tla mo isa le ho mo khutlisa sebakeng seo.