Leqhekoana le lulang Thaba-Ntšo, Afrika-Boroa le nyametseng ka Laboraro lena, le ntse le batloa ke ba habo lona

Leqhekoana la Dalewe Quthing, le seng le lula le mor’a lona Thaba-Ntšo,Afrika-Boroa,le ntse le batloa ke ba habo lona,ka mor’a ho nyamela ka Laboraro la beke ena le le Maseru.

Ea buileng lebitsong la lona, monghali Rapelang Thamae, o re nkhono Nombile Hlalek’haya o ne a ile a tloha Maqhena Ha-Molomo, Mohalesuku, a ne a lokela ho khutlela Afrika-Boroa, ka la Maseru leliboho.

O re ba ne ba ile ba ba mo kenya beseng, hore e mo tlise Maseru, moo e tlare hoba a fihle teng, a kenngoe koloing e tla mo isa ka borokhong, ’me beng ba bese, ba re mo kentse ho ea lephele, lee ba sa hlokomelang linomoro tsa eona.

O re nkhono o lilemo li mashome a robeli a metso e tšeletseng, o phetse hantle ’meleng le kelellong, o mosesanyane, o motšoana.O apere seshoeshoe se seputsoa, thopo e thokoa, o roetse lieta tse putsoa, hloohong o roetse tuku e lipalesa.