Boris Johnson o hapa likhetho ka lipalohali tse holimo, Brithani

Tonakholo ea Brithani, Boris Johnson e hapile likhetho tsa naha eo ka lipalo tse holimohali, moo mokha oa habo oa Conservative Party, o hapileng mabatooa a makholo a mararo a metso e mene, ha o ne o itlhokela a makholo a mararo a metso ’meli ho busa ntle ho kopanelo.

Johnson o lebeletsoe ho ntša Borithani ka har’a mokhatlo oa linaha tsa Europe, ka la mashome a mararo a motso o mong, Pherekhong,isao, ’me lena ke lebaka leo Johnson a khethiloeng ke bongata ba Manyesemane.

Conservative Party e ekelitse mabatooa a mashome a tšeletseng a metso e tšeletseng ho ao e neng e a hapile likhethong tse fetileng. Keketseho ena ea mabatooa, ke sesupo sa tšepo eo Manyesemane a nang le eona hore Boris Johnson le ba habo, ba tla feela ba phethahatse tšepiso ea ho a ntša ka har’a European Union mafelong a khoeli e tlang.