Papali ea litebele e ruta motho ho its’ireletsa khahlanong le lira tsa hae

Monghali Washington Thamae Thamae o re papali ea litebele ke e ’ngoe ea tse rutang motho ho itšireletsa khahlanong le lira tsa hae.

Thamae o re o qalile ho e bapala a sa le sekolong sa mathomo ka selemo sa 1969, ka tšusumetso ea baholoane ba hae ba neng ba ba hlorisa kaha ba ne ba le tlase lilemong.

O re ka 1972 o bile sehlopheng sa Baba Mothepu, ke moo a ileng a ntlafala papaling eo, a ba a kenela litlholisano tsa Africa tse neng li le Eswatini ka 1987, moo a ileng a hlola matoetoe oa litebele oa Mozambique, tlas’a bokoetlisi ba Mecho Mokitimi.