‘Moka oa mekhatlo e ikemetseng e ts’ets’etha litaba holima temo ea matekoane le tlhahiso ea lijo

Ka Labobeli lena, ’moka oa mekhatlo e ikemetseng o tšoaretsoeng holong ea liboka ea ’Manthabiseng o ile oa tšetšetha litaba tse holim’a temo ea Matekoane, tlhahiso ea lijo, temo ka kakaretso athe ka nqa e ’ngoe ho qoqoa ka PISA moo ho thoeng ‘Kopana le moparamente oa hao, ’me u boloke libuka tsa hao ka nepo’.

Ha a li beha ka Matekoaneng Prof. George Mosotho, o qalile a manolla nalane ea oona hore Bakuena, ba ne ba a rekisetsa Baroa lilemo tsa bo 1550.

Ho feta moo Prof. Mosotho, o itse molemong oa hore motho a be le lengolo la ho rekisa Matekoane, o lokela ho le lefella chelete e likete li kaholimo ho makholo a mahlano a Maloti, ee hoba a e lefe, a lokelang ho ikobela melaoana ea lona.