Koloi e hoholoa ke noka ea Phuthiatsana, haufi le Semphetenyane

Monna oa Ha-Mabote, Berea, o re koloi ea hae ea vene, e nkiloe ke metsi nokeng ea Phuthiatsana haufi le motse oa Semphethenyane, Maseru, nakong eo a neng a ilo nyolla pompi hore metsi a se ke a e fumana ka moo, ka ’Mantaha ona.

Monghali Masithela Poloko, o re sena se latela hore a hokelle pompi le koloi, a e hulela sebakeng se bolokehileng, a nto e hakolla, a leka ho nyolla koloi ka nokeng, empa a hloleha, ka baka la matla a pula.

O re ka baka la hore koloi e ne e eme moepeng, e ile ea hoholoa ke oona metsi a ileng a kena ka matla, ’me e ile le litokomane tsohle tsa hae tsa bohlokoa, ha e le pompi e koahetsoe ke lehlabathe.

O re koloi ke vene ea Isuzu ea 4×4 e tšoeu ka ’mala, ea linomoro tsa M0976, ha e ba le eona esale teng.