Lipere li lefisoa makholo a mahlano a Maloti, ka mor’a ho phunya sehlaba sa Khubelu Mohalesuku

Monna oa Lesobeng Ha-Mojela Shoaepane,Thaba-Tseka o re morena oa Hloahloeng,Nkau,Ha-Ngoan’a-Ntloana,Mohalesuku,o ile a tšoara lipere tsa motse oa habo tse robeli moeling oa libaka tse boletsoeng ka ’Mantaha o fetileng,’me o batla hore pere ka ’ngoe e lefelloe makholo a mahlano a Maloti.

Monghali Teboho Tseko o re sena se latela hore lipere tseo li tlole moeli o boletsoeng tsa ea fulela ka ho o mong, moo li ileng tsa tšoaroa teng, ’me a batla chelete eo, le ha ho le joalo, ba ile ba tseba ho lefella tse peli.

O re le hoja ba tsebile ho lefella tseo, ha ba nehoa setlankana se bontšang tefo, ntle ho moo chelete ee ba e lefisitsoeng e ngata haholo, papisong le ea kamehla hoba pere e lefisoa Maloti a supileng.

Leha ho le joalo, morena Tšiu Lerotholi, o re o ba khahlotse Maloti a makholo a mahlano hobane ba thibane litsebe, khale a ba khalemella ho folisetsa holim’a sehlaba sa khubelu, ’me o ’nile a ba ahlola hanyenyane ka khopolo ea hore ba tla baka.

O re tabeng ea hore ha a fana ka litlankana,ke hobane li mo feletse, empa ha li le teng o tla ba tsebisa, hore bae’o li lata.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.