Basotho ba makalletse ho utloa litefo tsa liakhente tsa melata

Probono ea Labobeli lena e ile ea makatsa Basotho, ba feroha libete ho utloa hore na ’muso oa Lesotho o sebelisa chelete e ngata hakae holim’a liakhente le baahloli ba melata, ba filoeng mosebetsi o neng o ka etsoa ke bana ba naha ena.

Adv. Letuka Molati o itse ha a lumele hore akhente ea boemo ba Senior Counsel ea Afrika Boroa, e lefshoa chelete e ka tlase ho likete tse leshome le metso e meraro tsa Maloti le halofo ka letsatsi.

Monghali Bokang Ramatsella eena a re baahloli bao, ba lefshoa chelete e lipakeng tsa likete tse mashome a mararo le metso e mehlano le tse mashome a mane ka letsatsi.

Molati, a bua holim’a tokomane ea likhente tsa Lesotho tse ngoletseng Bongoli ba SAdc, li kopa hore e susumeletse ’Muso oa Lesotho ho emisa hang-hang ka metlae ea linyeoe tse khahlanong le masole a akhang General Tlali Kamoli, o itse ’Muso oa Lesotho o se o ile oa bolela hore ha liakhente tsa joale tsa baqosuoa li ntse li tsila-tsila, o tla hira tsa maemo a makholo a mane a maloti ka letsatsi. 

Basotho ba itse, leano le tsejoang, la linako tsohle la molao, ke hore moqosuoa ha a na molato ho fihlela a fumanoe a e-na le oona ke makhotla a bulehileng, a ikemetseng a boahloli.

Ka lebaka leo, ba re ba utloisisa hore ’muso o lokela ho sebelisa chelete e ngata ho thusa baqosuoa ka lichelete tse tla ba thusa ho fumana liakhente tsa boiphihlelo, tse ka tsebang ho thulana le setsebihali seo sa Mochochisi se tsoang Afrika Boroa.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.