NACTWU e thulanya thebe le feme ea Letsema Ha Nyenye

National-Clothing-Textile-and-Allied-Workers-Union-NACTWU-Secretary-General-Sam-Mokhele-1
NACTWU Secretary General, Sam Mokhele. Picture courtesy of Lesotho Times

Ka letsatsi la pele la beke ena mokhatlo oa basebetsi oa NACTWU o ile oa thulanya thebe le feme ea Letsema e Ha-Nyenye Leribe, lekhotleng la DDPR, Maputsoe.

Motlatsi oa mongoli e moholo oa mokhatlo oo, Tšepang Makakole, o re sena mokhatlo o se entse ka mor’a ho ba le pobolihali ea basebetsi ba feme eo ba llang ka hore ha ba beha meja fatše ha baa lefshoe litsiane tsa nako e telele ka le reng ba tla li fumana ka mor’a selemo.

Ho feta moo sello se seng sa bona ke hore ba qobelloa ho nka matsatsi a phomolo nakong ea Mariha eleng se etsang hore ka nako ena ea mafelo a selemo ebe ba phomola nako e khutšoanyane.

Feme ha e arabela e itse basebetsi ba itse ba khotsofetse haese litho tsa NACTWU feela, empa lekhotla la laela hore mahlakore a boele morao ho ea lumellana, a khutlele ho lona mathoasong a Tšitoe.