Mosali o qhobeloa mapoleseng a Mafeteng a tsotse, mose

Lesotho Mounted Police Services
Picture courtesy of Lesotho Times

Mosali oa Ha Ramokhele Mafeteng o re o ile a khakhathoa ke lepolesa le neng le re le tšoere tokomane ea hore le mo tšoare la ba la mo tsolisa mose oa letheka, ka Moqebelo o fetileng.

Mamello Lenka, o re sena se latela hore a kopane le lona le ntse le tsamaea le batho ka har’a motse oo ’me la leka ho mo tšoara, eare ha a le makalla, la mo bata ka lihanaboi molomong.

O re ke moo qaka e bileng teng, a chiri-chirisana le lona, la ba la mo hulanyetsa setokising a se a sa tena, ’me mose oa tla ka litsela li sele, o se o tlisoa ke mapolesa a mang a mabeli.

Leha ho le joalo, o re o ile a isoa lekhotleng la mathomo hona Mafeteng, ka ’Mantaha ona, le ileng la re a tle a itlalehe ho lona ka oa beke e tlang.