Baahi ba Ha Ts’osane ba tšoenyehile ke bohlasoa boo ba bo bakeloang ke toti e haufi le bona

72974199_1126578504219597_2608257386011426816_o

Moahi oa Letsatseng Ha Tšosane, Maseru, o re ele baahi, ba nang le tumello ea ho phela sebakeng seo, ba tšoenyehile ke bohlasoa boo ba bo bakeloang ke toti e haufi le bona, e qalileng ho cha ka Labohlano le fetileng.

Monghali Soai Soai o re bohlasoa bo qhalloang moo ba hlola ba bo phutha malapeng a bona kaha bo fefohela teng, ’me taba ena ke seboko sa bona sa kamehla, se bonahalang se sa mamelehe, ho fihlela ho hlaha boemo bona bo seng bo sa laolehe, ba ho cha ha toti eo.

Ho sa le joalo Lenaneong la Re Nyebekolla Taba, phala ea Lekhotla la Motse-moholo Maseru, MCC, e itse ba ntse ba le mothating oa ho tima mollo le mosi o ntseng o kunkela moo, o silafatsang tikoloho.

’Makatleho Mosala o re lekhotla le ntse le boetse le le morerong oa ho fallisetsa koari Rothe, Tšoeneng, le mpa le hlolisoa ke bosieo ba chelete.

Potsong ea momameli ea hore ke baahi ba ahileng koaring kapa ke koari e fumaneng baahi ba se ba ntse ba ahile teng, e mong oa bona monghali Setene Malope o re o ahile moo pele ho qhalloa lithole ka 1981 ha koari e bile 1989.