Mok’hanselara oa Matšoaneng Ha-Mohlalefi Jonathan Leribe, o re sekolo sa mathomo sa Maboee, ka Labone lena, se tlotlile motlatsi oa mookameli oa sona, ka matla ao a se sebelelitseng ka oona, ka lilemo-lemo, ’me se itse a be le phomolo e monate.

Monghali Hlalefang Makesi, o re litichere li ile tsa phafa ’Mamolefi Maqele ka hore o kentse letsoho le toma kholong ea sekolo seo, sa ba sa e-ba le se phahameng, se ntseng se sebetsa hantle, ’me lilemo tse mashome a mararo a metso e robeli tsa tšebetso ea hae, li bile molemo

’Mamolefi eena, o re ho ruta ke pitso ea Molimo, ha se taba ea ha motho a itlhokela mosebetsi oa ho lefshoa khoeli ka ’ngoe, hobane pitso eo, e liqholotso li bohloko tse bileng li leng boima, tse hlokang mamello e kholo joale ka ho ruta bana ba qekisoang, holim’a matichere a morao tjena e le a qekisoang le oona.