Pusong ea sechaba ka sechaba e thoholetsa Prof PLO

PLO-Lumumba.jpg

Bamameli ba Pusong ea Sechaba ka Sechaba mafelong a beke ena ba bile ntsoe-leng hore Basotho, ba ka be ba le hole ka bophelo le moruo, hoja e be ha se bo-rea-le-bafe, ba lahlileng lintho tsa bona tse molemo, ba metla-metla kamor’a tsa balichaba.

Ba buile tsena ba ipapisa le thuto ea Prof PLO Lumumba ea sa tsoa bua sebokeng sa selemo le selemo sa Lekhotla la Baboloki ba Libuka la Lesotho se sa tsoa feta, moo morutehi oa Kenya a itseng bothata ba Ma-AFRIKA ke ho rata ho nahaneloa ke linaha tse ling.

Polelo eo, e ile ea hopotsa bamameli litaba tse ngata tsa puso, ho tloha pusong ea sesole ho tla kena ho ea joale, ka ho fapakana ha litona-kholo, matona le liofisiri, ba lemoha hore ho fetola mebuso Lesotho mona, ha se ho fetola moriana le ha e le botlolo, empa e le ho fetola sepapetloana se manamisitsoeng holim’a botlolo ea oona. RK