Conference ea LIA e tsoelapele

IMG_20191023_131152

MASERU — Conference ea Setsi se lisitseng bahlahlobi ba le baboloki ba lichelete ba Lesotho (LIA), se thakhohile ka Laboraro la beke ena. Seboka sa matsatsi a mararo se simollotse ka mantsoe a kamohelo ho tsoa mookameli oa setsi sena, ‘me ho latalela libui ka ho hlahlamana ha tsona. 

Libui tsa letsatsi li pharalletse haholo holima taba ea bokamoso ba khoebo le bophelo nakong ea “Forth Industrial Revolution”. Ba bonts’itse Basotho ba se ba ntse ba kene nakong ena ea marang-rang moo ba boholo ba bona ba sebelisang mehala ea matsoho e bohlale.

Ha ele bokamoso ba khoebo bona, ba boileng ba bo nts’itse ha bo tla ntlafatsoa ke oona marang-rang ana. Moruo o tla ntlafatsoa ke lihlaisoa tse KANG INTERNET. BIG DATA le ARTIFICIAL INTELLIGENCE. Mona ke moo khoebo li tlang ho sebelisa mahlale ho fihlela litabatabelo tsa tsona.

Ntlha ea bohlokoahali e bile litsebo tse tlang ho hlokahala nakong ea FORTH INDUSTRIAL REVOLUTION. Litsebo ea ho hlahloba le ho manolla lipalo, ho fihlela liqeto ka ts’ebeliso ea mahlale, le ho fana ka boeletsi bo ka holisang likhoebo. Ka lehlakoreng la puso, mebuso e tla lokela ho rala bocha mesebetsi ea batho ba fumanang mekholo e tlaase, e se re tsoeloapele ena ea nka mesebetsi ea bona. Thuto e lokela ho hlahlojoa bocha, ho tla ha boemong ba eona ba mathomo ho fihlela ho e phahameng.

Seboka sena se tla tsoeloapele ho fihlela Labohlano la beke ena, ha sebui sa bohlokoa Professor PLO Lumumba a tla bua ka ntlafatso ea ts’ebesto mafapheng a ‘muso linaheng tse moruo tlase, joalo ka Lesotho. Mokholoane