Basebetsi ba feme ea Shining Century ba kena litumellanong le mohiri

14093613796_a964c8ccb7_b.jpg

Basebetsi ba feme ea Shining Century ka Labobeli lena, ba fihletse tumellano ea hore Lechaena le ba lefe meputso ea bona ea matsatsi ao ba a sebelitseng khoeling ena, ha khoeling e tlang le lokela ho ba lefa ea matsatsi a phomolo le ea tšebetso ea nako e telele.

Ba re tumellano e entsoeng ka mongolo, e fihletsoe botenng ba mokhatlo oa NACTWU, ’me ba entse qeto ea hore ha ba sa khutlela mosebetsing, kaha Lechaena le ntse le e-s’o lefe mekoloto e susumelitseng ho koaloa ha feme.